Sulmet me dronë në Moskë goditën dy ndërtesa jo-rezidenciale në Moskë të hënën në mëngjes në orën 4 të mëngjesit, tha kryetari i bashkisë së Moskës Sergei Sobyanin në Telegram, raporton CNN.
Sobyanin pretendon se nuk ka pasur dëme serioze apo viktima në sulm.
Sipas Ministrisë së Mbrojtjes ruse, fjala ishte për dy dronë ukrainas që gjithsesi janë neutralizuar.
“Të hënën, më 24 korrik, në orën 4 të mëngjesit, u parandalua një përpjekje e regjimit të Kievit për të kryer një sulm terrorist me dy dronë mbi objekte në territorin e Moskës. Ato u neutralizuan me anë të luftës elektronike dhe u rrëzuan”, shtoi ministria.
В Москве очередная атака беспилотников
На видео — полет БПЛА над Москвой. Взрывы на улице Лихачёва. В здании, где находится «Леруа Мерлен», выбило стёкла на верхних этажах. В одном из зданий на Комсомольском проспекте недалеко от Минобороны тоже выбиты стекла, там же обнаружены… pic.twitter.com/Hl6BCDpoDg
— SVTV NEWS (@svtv_news) July 24, 2023
Sipas Tass, një dron goditi një ndërtesë zyrtare të lartë në Avenue Lukacheva, ndërsa mbetjet e dronit tjetër u gjetën në Komsomolsky Avenue, e cila kalon nëpër qendrën e Moskës.
Kujtojmë se sulmi i fundit me dron në Moskë ndodhi më 3 maj, pak ditë para Ditës së Fitores. Zyrtarët rusë thanë në atë kohë se kishin kapur dhe shkatërruar dronët para se të mund të bënin ndonjë dëm.
Nuk ka asnjë koment nga Kievi. Ukraina pothuajse kurrë nuk e merr publikisht përgjegjësinë për sulmet brenda Rusisë ose në territorin e kontrolluar nga Rusia në Ukrainë, por ka thënë muajt e fundit se shkatërrimi i infrastrukturës ushtarake ruse po i ndihmon kundërofensivës së Kievit. /tesheshi.com/
