Presidenti rus, Vladimir Putin ka përgatitur një plan për të luftuar Shtetin Islamik, e pikat kryesore të tij i janë parashtruar sekretarit amerikan të Shtetit John Kerry, kur ky i fundit u takua me homologun rus në Malajzi ku u morën vesh për rezolutën e OKB-së për autorët e sulmeve kimike në Siri.
Këtë vazhdë “mirëkuptimi” mes Rusisë dhe SHBA-së duket se Moska kërkon ta vijojë duke paraqitur atë që quhet në median ruse, Plani Putin për Sirinë.
Sipas mediave rusia, Rusia i ofron Perëndimit dhe vendeve të Lindjes së Mesme ndihmë në luftën kundër milicisë terroriste Shteti Islamik.
Kremlini nuk do t’i zbulojë të gjitha detajet. Por, dihet se Moska sugjeron një “front të gjerë antiterrorist” kundër Shtetit Islamik, me të cilin duhet bashkohen edhe ushtritë e Sirisë, të Irakut dhe kurdët. Kryediplomati rus, Lavrov i ka shpjeguar planin homologut amerikan, por duket se nuk ka arritur ta bindë.
Një nga pikat e mosmarrëveshjes ka të ngjarë të jetë fati i qeverisë siriane. Moska si aleate e presidentit Bashar al Assad kërkon që koalicioni kundër Shtetit Islamik duhet “ta falë” atë.
Pas bashkëpunimit SHBA-Rusi për marrëveshjen me Iranin dhe rezolutën në OKB, konflikti në Siri kërkon që palët të merren vesh për të ndihmuar në përfundimin e luftës që ka shkatërruar Sirinë dhe popullin e saj. /tesheshi.com/
