Njerëzit, pavarësisht moshës, duhet të aplikojnë krem dielli kur dalin jo vetëm në plazhe, por edhe në rrugë për aktivitetet e tyre të përditshme. Kjo është një këshillë që është dhënë shpesh dhe tashmë e dinë të gjithë.
Por, mjekët dhe shkencëtarët janë duke menduar për metoda të reja të mbrojtjes nga dielli, që bëhet shkak për sëmundjet e lëkurës. Në vitet 60’, sipas një studimi, kur nisi boom-i i pushimeve në botë por kur njerëzit nuk ishin të vetëdijshëm se duhet të mbroheshin nga dielli, ata mund të qëndronin pa limit në plazhe e mjedise të hapura. Një gjë e tillë ka përfunduar me një përqindje të madhe të sëmundjeve të lëkurës në moshë të rritur.
Kështu për të rritur efikasitetin e mbrojtjes nga dielli shkencëtarët po studiojnë algat e detit dhe llumin që lënë peshqit në ujë. Ata thonë se këto produkte të detit, që njerëzit i kanë bezdi kur hyjnë në ujë, janë të dobishme për lëkurën.
Kështu që mos u alarmoni nëse shihni shkencëtarë të mbuluar nga algat në plazhe.
Të dhënat e para tregojnë dobitë natyrore të këtyre ingredientëve për një mbrojtje “bio” nga dielli, e jo vetëm për njerëzit, por edhe për rrobat dhe shtëpitë. /tesheshi.com/
