Shumë persona nuk i besojnë kirurgjisë estetike, por ka edhe nga ata që nuk do të mendonin dy herë para se të zgjidhnin për një procedurë zbardhimi të dhëmbëve pak a shumë invazive.
Më poshtë po ju japim disa informacione të nevojshme, të jua këshillon ekspertja Rhona Eskander nga Dental Clinic në Chelsea të Anglisë, e cila nuk e cilëso laserin si një metodë të mirë zbardhimit të dhëmbëve.
“Është shumë e rëndësishme që njerëzit të dinë se laseri për zbardhjen e dhëmbëve është vetëm një mit. Nuk funksionon aspak. Praktikisht, para se të vendoseshin disa rregulla relative për këtë praktikë, laseri funksiononte por vetëm sepse pacientët mbanin gojën hapur për një kohë të gjatë dhe izolohej çdo dhëmb në mënyrë individuale”,- shpjegon dentistja për Cover Media.
“Me fjalë të tjera, dhëmbët e dehidratuar janë gjithmonë më të bardhë, ndaj nëse rrimë me gojën hapur përpara dentistit për më shumë se një orë,rrjedhimisht dhëmbët do të duken më të bardhë, pasi në ta nuk qarkullon asnjë mineral e as pështyma. Gjithsesi, laseri shkakton kryesisht dehidratimin e dhëmbit e asnjë gjë më shumë”,- vijon Eskander
Ajo rekomandon përdorimin e sistemit zbardhues Enlighten (Teeth Whitenin System), qe veç se garanton tonalitetin e dëshiruar të zbardhjes, kontribuon edhe në uljen e rrezikut për të pasur dhëmbë të ndjeshëm. Bëhet fjalë për një proces i cili kërkon vizita të njëpasnjëshme.
Në vizitën e parë krijohet një ide e përgjithshme se si do të jenë dhëmbët, cili është tonaliteti i të bardhës që ata do të kenë pas ndërhyrje, çka është shumë i rëndësishëm për krijimin e idesë finale. Më pas procedohet me aplikimin e dy lloj xheli, për dy javë.
“Aplikohet vetëm një element i vogël në dhëmbë, i cili përdoret edhe për pastrimin normal të dhëmbëve tek dentisti, gjatë kontrollit rutinë. Eliminohen gurëzat dhe pjesa e mishit mbahet larg, e paprekur nga xheli që do të vihet. Më pas aplikohet seancë pas seance xheli që ndihmon në zbardhjen e dhëmbëve. Efekti nuk vihet re menjëherë por pas disa ditësh”,- përfundon specialistja./tesheshi.com/
