Kosi është një ndër nënproduktet e qumështit që duhet të jetë pjesë e pandashme e regjimit tuaj ushqimor.
Ai përmban shumë probiotikë, mikro-organizma të dobishëm për shëndetin tonë, të cilët përthithin metalet e rënda dhe toksinat në organizëm.
Konsumi i kosit tashmë është objekt studimor i shumë universitete prestigjioze. I fundit është realizuar nga University of Cambridge, ku dhe morën pjesë 4255 vullnetarë të dyja gjinive. Studiuesit që udhëhoqën këtë studim analizuan vaktin e mëngjesit të dy grupeve të mëdha : atyre që konsumonin kos 4-5 herë në javë dhe atyre që nuk e konsumonin fare këtë produkt.
Ata arritën në përfundimin që konsumi i përditshëm i kosit ul me 30% mundësinë e prekjes nga diabeti i tipit 2. Ju rikujtojmë që diabeti i tipit 2 është edhe forma më e zakonshme e diabetit që prek pothuaj 90% të rasteve të diagnostifikuara.
Kosi përmban enzima fermentuese që arrijnë të kontrollojnë nivelin e glukozës në gjak dhe të ruajë ekuilibrin e karbohidrateve dhe proteinave në organizëm. Mjekët rekomandojnë që mjafton një dozë 125 gr kos në ditë për t’u mbrojtur nga diabeti./tesheshi.com/
