Komisioni Evropian ka njoftuar një raund të ri të programit DiscoverEu, në të cilin 35,000 bileta për udhëtime falas në të gjithë kontinentin do të shpërndahen për të rinjtë evropianë, përfshirë qytetarët e Evropës Juglindore.
Të rinjtë e interesuar mund të aplikojnë deri më datë 29 mars në mesditë.
Qytetarët e Bashkimit Evropian, më pas të Islandës, Lihtenshtajnit, Maqedonisë së Veriut, Norvegjisë, Serbisë dhe Turqisë mund të aplikojnë për bileta 30 ditore Interrail që do të jenë të vlefshme nga 15 qershori i këtij viti deri më 30 shtator të vitit të ardhshëm.
Programi DiscoverEu filloi në vitin 2018 me iniciativën e aktivistëve Vincent-Immanuel Herr dhe Martin Šper (Speer) me idenë që të gjithë qytetarët e BE-së duhet të marrin një biletë Interrail dhe mundësinë për të njohur kontinentin e tyre në ditëlindjen e tyre të 18-të.
Deri më tani rreth 916 mijë të rinj kanë aplikuar për gjithsej 212 700 bileta, sipas revistës Fenix. /tesheshi.com/
