Arriti ta marrë Kavajën si bastion të PD-së në 2011, por s’po mundet të marrë Shkodrën akoma. Kryeministri Rama e ka vuajtur këtë stoicizëm të shkodranëve, duke e përcjellë këtë nga Shiroka së fundi, gjatë një takimi elektoral.
“Këtu në Shkodër na ka ngec sharra në gozhdë, se pse gozhda është një lloj gozhde që s’ka sharrë e çekiç që i bën derman e prej 30 vite ndryshket dhe than trurin e njeriut të kthyer në tifoz pa lidhje të politike në rastin konkret të PD, duke i dhënë mbështetje pa kushte.
Në Malësinë e Madhe ndryshimi shihet. Ka ndryshuar marrëdhënia me një territor që deri dje ishte si ishte.
Njëra palë ulëret, ngre gishtat, mallkon shan , bën rrëmujë po në fakt në aspektin e filozofisë qeverisëse, pala që është antikomuniste dhe antifashiste është PS, në sensin antitotalitare dhe dogmave, që janë të papranueshme për botën që jetojmë. Por kjo nuk u intereson qorrave që kanë sytë në ballë, që janë tap prej 30 vitesh, të zhytur e të mbytur në pluhur”, tha Rama, duke kërkuar që ky kurs të ndryshojë.
“Por shikoni çfarë frymë pozitive kemi ndërtuar këtu, tamam si një vend në Itali dhe Zvicër, dhe është e mundur që dhe pjesa tjetër e Shkodrës të bëhet kështu. E pengojnë shurdhët dhe qorrat e marrosur nga tifozeria partiake.
Shkodra ka mbetur peng i idiotisëve 30 vjet, me idenë që po i reziston komunizmit që ka vdek”, arsyetoi kreu i mazhorancës. /tesheshi.com/
