Shefja e diplomacisë evropiane, Federica Mogherini pas takimeve që zhvilloi me krerët kosovarë të shtunën qëndroi në Mitrovicë ku i shikoi nga afër punimet që po zhvillohen në urën e lumit Ibër.
Ajo ka thënë se është e impresionuar me projektin e urës, por nuk dha ndonjë datë për revitalizimin e saj.
“Unë jam këtu në Mitrovicë për të bërë vizitë tek ura, rrugën ‘Mbreti Petar’ dhe jam e bindur se kjo urë është riparuar nga Bashkimi Evropian sipas marrëveshjes që kemi arritur gjatë lehtësimit të dialogut ndërmjet Beogradit dhe Prishtinës në Bruksel, por jo prej disa alienëve në Bruksel, por nga vendimmarrësit që vijnë nga rajoni këtu, se kjo punë që jemi duke bërë në këtë urë ta kthejmë nga simboli i ndarjes në simbol të dialogut në mesin e njerëzve, dhe kjo është fuqia e BE-së për të krijuar dialogun, paqen, mirëkuptimin aty ku kemi konfrontime dhe vështirësi”, ka thënë Mogherini.
Përfaqësuesja e lartë e BE-së tha se ata do të mbështesin qytetarët në të dy anët e urës.
“Unë jam e inkurajuar nga kjo dhe pres hapjen e plotë të urës dhe të rrugës shumë shpejt. Unë kam kërkuar nga përfaqësuesi im special që të më mbajë të informuar për zhvillimet dhe do të vazhdoj të punoj e të gjitha energjitë e mia për të ndodhur kjo për të mirën e të gjithëve”, ka theksuar Mogherini.
Ajo theksoi se ekipi i saj në Bruksel, dhe Natalie Apostolova në Prishtinë do të mbështesin njerëzit dhe shoqërinë civile në përpjekjet e dialogut dhe paqes.
Kujtojmë data 3 mars ishte premtuar nga BE dhe drejtuesit kosovarë për hapjen e urës për qarkullim të njerëzve dhe mallrave por një gjë e tillë nuk ndodhi. /tesheshi.com/
