Eshtë me shumë rëndësi që masat e urgjencës të marra nga vendet anëtare për të luftuar pandeminë e virusit koronar të jenë në përputhje me parimet dhe vlerat themelore të BE-së, tha të martën Presidentja e Komisionit Evropian, Ursula von der Leyen.
“Ne jetojmë në kohë të jashtëzakonshme dhe qeveritë, në parim, duhet të kenë mjetet e nevojshme për të vepruar shpejt dhe në mënyrë efektive për të mbrojtur shëndetin e qytetarëve tanë,” tha ajo në një deklaratë.
Von der Leyen shton se “është me shumë rëndësi që masat e jashtëzakonshme të mos jenë të dëmshme për parimet themelore dhe vlerat e përfshira në Traktatet e BE”.
Në deklaratë, presidenti i KE nuk i referohej posaçërisht asnjë anëtari individualisht, por e bëri atë publik pasi parlamenti hungarez miratoi një ligj të hënën që i jep qeverisë kompetenca të jashtëzakonshme pa një afat kohor.
Ligji parashikon një burgim deri në pesë vjet për përhapjen e “lajmeve të rreme” në lidhje me virusin ose masa të atilla qeveritare që fajësojnë median e pavarur.
“Demokracia nuk mund të funksionojë pa media të lira dhe të pavarura. Respektimi i lirisë së shprehjes dhe sigurisë juridike janë thelbësore në këto kohë të pasigurta. Tani është më e rëndësishme se kurrë që gazetarët të bëjnë punët e tyre lirshëm dhe me saktësi për të kundërshtuar dezinformatat dhe për të siguruar që qytetarët të kenë akses në informacionet kryesore”, thekson von der Leyen.
Sipas saj, masat emergjente duhet të jenë të kufizuara në kohë dhe rreptësisht proporcionale. Këto masa gjithashtu duhet t’i nënshtrohen rishikimit të rregullt.
Ursula von der Leyen njofton se Komisioni do të monitorojë nga afër zbatimin e masave emergjente në të gjitha shtetet anëtare, natyrisht në bashkëpunim me ta.
“Të gjithë duhet të punojmë së bashku për të trajtuar këtë krizë. Gjatë rrugës, ne do të respektojmë vlerat tona evropiane dhe të drejtat e njeriut. Kjo është ajo që jemi dhe ajo për të cilën ne duam,” tha ajo. /tesheshi.com/
