Unioni i Shoqatave Evropiane të Futbollit (UEFA) ka njoftuar se do të mbjellë 600,000 pemë në 12 vende, si pjesë e një përpjekje për të zvogëluar emetimet e gazrave përgjatë ecejakeve në Kampionatin Evropian të Futbollit të vitit të ardhshëm.
Në vend të praktikës së deritanishme të mbajtjes së turneve të mëdha në një ose dy vende, UEFA do të organizojë Kampionatin e ardhshëm Evropian në qytetet e 12 vendeve në Evropë, nga Dublini në Irlandë e deri në Baku në Azerbajxhan.
Ky format sjell me vete më shumë udhëtime për tifozët, zyrtarët dhe lojtarët, dhe Presidenti i UEFA-s, Aleksandër Cheferin, thotë se ai tani do të paguajë një çmim të rëndë kur bëhet fjalë për mjedisin, ndryshe nga formati i mëparshëm, ku nuk kishte nevojë për punë të mëdha ndërtimi në stadiume.
Chefferin tha se UEFA ka lidhur partneritet me ekspertë të kompensimit të karbonit në Polin e Jugut për të kompensuar emetimet e rreth 405,000 ton karboni që tifozët dhe stafet do të prodhojnë kur të udhëtojnë për ndeshje.
“UEFA e merr seriozisht përgjegjësinë e saj dhe është e drejtë për ne që të kompensojmë emetimet e karbonit. Puna me Grupin e Polit Jugor do të ndihmojë në krijimin e standardit të artë për projektet e energjisë së rinovueshme, të cilat do të jenë me vlerë të qëndrueshme për planetin”, tha Cheferin.
Ai tha se UEFA do të mbjellë 50,000 pemë në secilën nga 12 vendet që presin Kampionatin Evropian 2020.
Cheferin shprehu besimin e tij se një veprim i tillë do të ndihmonte të gjitha komunitetet ku lojërat do të luheshin për të përfituar nga kompeticioni.
Vendimi për mbajtjen e Kampionatit Evropian në më shumë se një vend u mor para fillimit të mandatit të Ceferin në vitin 2016, dhe sllovenët thanë se ai nuk beson që ky format i garës do të përsëritej. /tesheshi.com/
