Një incident i abuzimit brutal të një qeni në Kolumbi shkakton neveri. Një video që qarkullon në internet tregon një akt brutaliteti absolut me një qen të lidhur në një shtyllë ndriçimi me shirit izolues.
Kafsha fatkeqe u lidh nga një burrë i zemëruar, sepse urinonte shpesh në kopshtin e tij.
Në pamjet e frikshme, Doki, siç quhet qeni katërvjeçar, shihet i lidhur me shirit paketimi në shtyllë.
Un habitante de Barrancabermeja ejerció justicia por mano propia atando este perro a un poste porque, al parecer, hacía necesidades frente a su casa.
📹 @Enlace_TV pic.twitter.com/tdDe5dBh8O
— Ecolecuá (@lorenzolizarazo) March 15, 2024
Sikur të mos mjaftonte veprimi i tij brutal i paimagjinueshëm, ai vazhdoi ta mbronte aktin e tij me anë të një videoje.
Në video shihet autori duke thënë: “I thashë pronares dhe e pyeta nëse mund ta mbante qenin e vogël me zinxhir, por nuk ndodhi”.
Më pas ai shtoi se e lidhi qenin e vogël në vend për të demonstruar “si duhet të lidhet një qen i panjohur”.
Policia shkoi në vendngjarje për të shpëtuar qenin në fshatin kolumbian të La Chava. Veterineri, Jorge Luis Gonzalez, tha se Doki pësoi shqetësim emocional si rezultat i abuzimit dhe nuk ishte në gjendje të lehte.
Policia ka identifikuar autorin dhe ka nisur procedurat për mbajtjen e tij në paraburgim, pasi hetimet vijojnë. /tesheshi.com/
