Prishtinë – Policia e Kosovës ka njoftuar se në qytetin e Mitrovicës janë shpërndarë monedha me vlerë pesëdhjetë euro të falsifikuara, ndërsa ka kërkuar nga qytetarët që të tregojnë vëmendje më e shtuar në këtë drejtim.
Zëdhënësi i policisë për rajonin e Mitrovicës, Avni Zahiti, ka sqaruar se rastet që ndërlidhen me këto monedha, tani veç janë duke u hetuar nga policia.
“Janë iniciuar tre raste brenda dy javëve të fundit që kanë të bëjnë me monedha të falsifikuara në vlerë prej 50 euro, dhe këto raste po hetohen”, ka thënë Zahiti.
Ai ka apeluar tek qytetarët që të jenë të kujdesshëm gjatë këmbimit të parave, me qëllim që të mos bien viktimë e këtyre mashtrimeve.
Qyteti i Mitrovicës konsiderohet si njëri prej vendeve më të varfra në Kosovë dhe si zona më e pazhvilluar ekonomikisht që nga paslufta./TeSheshi/
