Ndihmës sekretari i SHBA-së për Evropën dhe Euroazinë, Ëess Mitchell gjatë vizitës në Beograd, ka apeluar Kosovën dhe Serbinë të përmbushin detyrimet që kanë marrë përsipër në marrëveshjen e Brukselit.
Diplomati amerikan në konferencën e përbashkët për mediat me presidentin serb, Aleksandar Vuçiç është treguar i drejtpërdrejtë për çështjen që ndan Prishtinën dhe Beogradin. Sipas tij, Kosova ka të drejtë të formojë ushtrinë e saj dhe se kjo nuk do të jetë kërcënim për Serbinë.
“Kosova ka të drejtë të formojë forcat profesionale, të cilat do të merren me sigurinë, në të cilën do të përfshiheshin serbët kosovarë dhe askush nuk ka të drejtë t’ia ndalojë Kosovës të zhvillojë një strukturë të tillë”, tha Mitchell, cituar nga RTK.
Sipas tij, SHBA e mbështesin këtë të drejtë të Kosovës, por ai vuri në dukje se për këtë, është i nevojshëm ndryshimi i Kushtetutës. /tesheshi.com/
