Përkundër faktit se shumica e njerëzve kalojnë 1 janarin duke u ankuar në kokëdhembje dhe pagjumësi, një hulumtim ka zbuluar se kjo ditw është në të vërtetë më e rrezikshmja e gjithë vitit.
Një studim i kryer nga Universiteti i Kalifornisë, ka mbledhur të dhëna dhe ka gjetur se numri i vdekjeve gjatë vitit arrijnë pikun brenda periudhës kohore prej Krishtlindjes deri në ditën e Vitit të Ri.
Në përgjithësi, hulumtimi ka gjetur se dita kur keni më së shumti gjasa që të vdisni nga shkaqet natyrore është dita e parë e vitit të ri, më 1 janar.
Për të përcaktuar këtë, kërkuesit kanë shqyrtuar çertifikatat e vdekjeve të lëshuara gjatë një periudhe prej 25 vjetësh në SHBA.
Shumë studime kanë kanë konstatuar tashmë një rritje të rasteve të vdekjeve që lidhen me dëmtim të vetvetes, aksidenteve dhe vrasjeve në kohë festash, por deri më tani asnjë në lidhje me shkaqet natyrore.
Kur themi shkaqet natyrore të vdekjes, nënkuptojmë rastet kur njerëzit vdesin nga sëmundjet, pleqëria, por jo nga aksidentet apo vrasjet.
Për këtë arsye, autorët e studimit kryen hetime dhe gjetën të kundërtën: një tendencë të dukshme, me 5 për qind më shumë njerëz që vdesin në 1 janar nga shkaqe natyrore, se sa në çdo ditë tjetër. E ndërsa ky fakt bazohet dhe mbështetet shumë lehtë me të dhëna, arsyeja pse kjo ndodh është e panjohur.
“Ky model lajmërohet në çdo shkak natyror të vdekjes, por jo për shkaqe të jashtme si aksidentet automobilistike”, thotë një nga autorët, David Phillips për Washington Post. “Është e vështirë për të kuptuar pse ndodhë kjo.”
Ndërsa përfundimi i studimit ka rekomanduar që të bëhen më shumë hulumtime në këtë fushë, deri më sot nuk janë publikuar shumë gjetje. “Kjo nuk është vetëm një mister; për më tepër është një mister me të cilin njerëzit nuk kanë provuar të merren me të”, thotë Phillips, duke konfirmuar se ai nuk është në dijeni të ndonjë hulumtimi të mëtejshëm mbi këtë temë.
Morali i tregimit është: nëse nuk ndiheni mirë ditën e Vitit të Ri, veçanërisht nëse vuani nga një sëmundje, ndoshta është më mirë që të shkoni në ndonjë spital. /tesheshi.com/
