Në nëntor 1970, trupi i një gruaje me djegie të rënda u gjet në një vend të largët në Luginën Norvegjeze Isdalen.
Dikush kishte prerë etiketat në rrobat e saj dhe kishte gërvishtur shenjat dalluese në sendet e saj – sikur të donte të parandalonte identifikimin e trupit.
Dhe kur policia filloi të hetojë vdekjen e saj, ata zbuluan një numër mesazhesh të koduara, maska dhe identitete të rreme – por nuk arritën ta zgjidhnin çështjen.
46 vjet më vonë, policia norvegjeze ka vendosur t’a rihapë çështjen, raporton BBC.
Meqenëse identiteti i saj nuk është përcaktuar, ajo quhet Isdal Woman.
Nga hetimet doli se gruaja po qëndronte në disa hotele në Norvegji, duke përdorur emra të ndryshëm të rremë. Kjo do të thotë që ajo duhet të ketë pasur disa pasaporta false.
Deri atëherë, ishin përhapur disa thashetheme se gruaja ishte spiune.
Ndërkohë, hetuesit kanë përfunduar një ekzaminim të trupit të saj. Ata zbuluan mavijosje të pashpjegueshme në anën e djathtë të qafës, të cilat mund të jenë rezultat i një goditjeje ose rënieje. Nuk kishte shenja të sëmundjes. Vdekja e saj ishte ndoshta e dhimbshme. Autopsia arriti në përfundimin se gruaja vdiq nga një kombinim i helmimit me monoksid karboni dhe futja e një sasie të madhe pilulash gjumi në trup.
Në mungesë të provave të reja, çështja u mbyll dhe gruaja u varros në shkurt 1971.
Harald Olsand ishte një nga hetuesit që hezitoi të mbyllë çështjen. Ai mbajti disa dokumente policie dhe djali i tij Tore më vonë shkroi një libër për çështjen Isdal. Me kalimin e viteve, çështja ka frymëzuar gjithashtu disa romancierë dhe ilustrues të krimit.
Dhe tani, falë shkencës moderne, ekziston përsëri një shans që ky mister i pakapshëm norvegjez të zgjidhet përfundimisht.
Profili i ADN-së i gruas është zhvilluar dhe policia norvegjeze synon të lëshojë një urdhër të ri të Interpol. /tesheshi.com/
