Gjendjet e jashtëzakonshme shfaqin heronjtë e zakonshëm, të tillë si zjarrfikësit dhe ekipet e sigurisë e emergjencës.
E për sot, heroi i ditës vjen nga Vlora, ku bashkia e ketij qyteti e ka nderuar zjarrfikësin Luan Kapaj, i cili qe gati të sakrifikoi jetën e tij për shpëtimin e njerëzve që ishin nën rrënoja.
Kur fuqitë e tij u duk se shterën dhe ekipet e detyruan të shtrihej mbi barelë, vlonjati refuzoi maskën e oksigjenit dhe u rikthye tek gërmadhat, në kërkim të jetëve që kërkonin shpëtim.
Ndërkohë Flamuri Kombëtar është ulur në gjysmë shtize në të gjitha institucionet e qytetit të Vlorës.
Vendi sot ka shpallur ditë zie dhe gjendje të jashtëzakonshme, ndërkohë që deri më tani 25 viktima janë nxjerrë nga rrënojat dhe dhjetëra të tjerë janë raportuar si të zhdukur. /tesheshi.com/
