Ministri i Infrastrukturës dhe Energjisë Damian Gjiknuri theksoi në një konferencë të posaçme për mediat, se tarifimi i rrugës së Kombit është i pashmangshëm. Sipas tij, çdo aks rrugor ka një kosto mirëmbajtje dhe nuk ka mënyrë tjetër për ta kryer këtë detyrim veç tarifimit.
“Përdorimi i tarifës rrugore aplikohet në çdo vend të botës, nuk është shpikje e qeverisë Rama. O do të rrisim taksën dhe të gjithë qytetarët do të mbulojnë gropën e asaj rruge ose përdoruesit do të paguajnë për mirëmbajtjen. Tarifa e qarkullimit nuk mjafton për mirëmbajtjen e të gjitha akseve rrugore”, tha Gjiknuri.
Gjiknuri foli dhe abonenë e përmendur më herët edhe nga kryeministri Rama, me të cilin mund të pajisen banorët e zonës për të ulur koston e kalimit në rrugë.
“Parimi nuk ekziston. Nuk njihen tarifat lokale dhe tarifat e distancuara. Megjithatë është marrë përsipër masa lehtësuese për frekuentuesit e shpeshtë. Përdoruesit e shpeshtë do u bëhej abone me kosto më të ulët. Kemi nisur diskutimet për të gjetur një zgjidhje për një periudhë shumë të afërt që kjo do të jetë mundësia e mundshme”, tha ai.
Gjiknuri pati edhe një përgjigje për qytetarët që thonë: ne paguajmë taksat. “Nuk dalin lekët për gjithçka”, deklaroi ai. /tesheshi.com/
