Bordi Ekzekutiv i Fondit Monetar Ndërkombëtar (FMN) miratoi në 20 shkurt rishikimin e dytë dhe të tretë të marrëveshjes të nënshkruar me FMN vitin e kaluar.
Burime nga Ministria e Financave theksojnë se, ky miratim mundëson tërheqjen e menjëhershme të një shume prej 47.mln SDR (rreth 53 mln €).
Vendimi i mësipërm vjen si rezultat i angazhimit serioz të autoriteteve shqiptare për çuarjen përpara të reformave strukurore të rëndësishme në fusha si ajo taksave, e energjisë, e pensioneve, e shlyerjes së pagesave të prapambetura, thekson Ministria e Financave.
Sipas Ministrisë së Financave, politikat fiskale, të ndjekura për reduktimin e rreziqeve që vijnë nga niveli i lartë i borxhit publik, kanë krijuar gjithashtu premisa për një kuadër të favorshëm makroekonomik, që mundëson rigjenerimin e ekonomisë drejt normave më të larta të rritjes dhe punësimit.
