Kreu i qeverisë shqiptare, Edi Rama njoftoi mëngjesin e sotëm se është hedhur një tjetër hap për projektin e ndertimit të stadiumit të Shkodrës “Loro Boriçi”.
Rama bëri me dije gjatë një statusi në “facebook” se sot gjatë vizitës së tij në Shkoder do të shqyrtohet edhe projekti i arkitetit të njohur Peter Wilson për ndërtimin e stadiumit.
Pas bisedimeve u mësua se projekti për rindërtimin e stadiumit “Loro Boriçi” në Shkodër u miratua sot nga Këshili Kombëtar i Territorit (KKT), i cili u mblodh sot në kryeqendrën e veriut të vendit, njofton Panorama-Sport.
“Morëm vendim të rëndësishëm për stadiumin e Shkodrës. Miratuam projektin për rindërtimin e stadiumit ‘Loro Boriçi’. Projekt i arkitektit të famshëm Peter Wilson…
Shkodra dhe qytetarët e saj e meritojnë një stadium të tillë. Stadiumi do të ketë parametrat e UEFA-s brenda dhe jashtë tij…”, mësohet të ketë thënë kryeministri Rama në mbledhjen me dyer të mbyllura të KKT-së. Rama bëri me dije se në ditë në vazhdim projekti do t’i prezantohet qytetarëve të Shkodrës. /tesheshi.com/
