Parlamenti miratoi me 85 vota pro dhe 12 kundër, Komisionin e Posaçëm për raportin e Dick Marty-it, në një inisiativë që ka si qëllim daljen në fund me një rezolutë që do shërbejë si një avokaturë ndaj UÇK-së, vetëm sa i përket pretendimeve për krime në territorin shqiptar.
Komisioni përbëhet nga anëtarët e mazhorancës që janë Ulsi Manja, Klotilda Bushka, Adnor Shameti, Alket Hyseni dhe Ermonela Felaj.
Ndërsa, nga opozita parlamentare anëtarë janë Myslim Murrizi, Edmond Stojku, Enver Roshi, Elena Xhina.
Ky komision vjen disa javë pasi në Gjykatën e Hagës janë dërguar me akuza për krime lufte ish-krerë të UÇK-së, mes tyre Thaçi si ish-komandant, apo dhe Jakup Krasniqi, ish-zëdhënës. /tesheshi.com/
