Mbrëmja e së martës sjell një numër ndeshjesh miqësore në Europë pas atyre eliminatore të fundjavës.
Në “Elbasan Arena”, përfaqësuesja e Shqipërisë ndeshet me atë të Bosnjë-Hercegovinës. Një takim që vjen për kuqezinjtë pas humbjes ndaj Italisë dhe mes poteres së krijuar pas deklaratave të Taulant Xhakës.
Për trajnerin e kombëtares boshnjake, Mehmed Bazdarevic, 90-minutëshi do të shërbejë për të parë lojtarët e rinj.
“Marrëdhëniet tona futbollistike janë miqësore,” është shprehur ai në konferencën e shtypit me këtë rast. “Ndeshja e parë zyrtare e Bosnjë-Hercegovinës ka qenë këtu, dhe ne shohim se pas aq shumë vitesh, të dy ekipet kanë përparuar. Shqipëria është një ekip kombëtar që investon shumë, duke bërë vazhdimisht përpara, dhe në pak vite do të jetë një prej më të mirëve në Europë.”
Veç këtij takimi, që nis në orën 18:00, veçohet përballja e orës 21:00 mes Francës dhe Spanjës.
Estoni – Kroaci, Maqedoni – Bjellorusi, Rusi – Belgjikë, Austri – Finlandë, Irlandë – Islandë, Holandë – Itali dhe Portugali – Suedi janë po ashtu miqësore që do të luhen këtë të martë. /tesheshi.com/
