Gruaja në krye të shëndetësisë shqiptare, Ogerta Manastirliu, i ka kushtuar një dedikim një prej emrave me të njohur të kësaj kohe krize pandemike, Dr.Tritan Kalo.
“Prof. Tritan Kalo ka kaluar shumë epidemi, por COVID-19 është e pazakontë edhe për të. Që nga dita e parë e epidemisë, prof. Kalo është çdo ditë mes pacientëve të prekur nga COVID19, i palodhur në shërbim të tyre me përkushtim e profesionalizëm. Doktori ka mirënjohjen e pacientëve të tij por edhe respektin e thellë nga të gjithë ne për forcën dhe energjinë me të cilën prof. Kalo dhe i gjithë stafi i infektivit po e përballon këtë situatë”, shkruan ministrja.
Kujtojmë gjithashtu se Dr.Kalo është dhe aktiv në rrjete sociale, duke informuar e analizuar rregullisht mbi situatën. /tesheshi.com/
