Ministria e Jashtme e Maqedonisë së Veriut ka marrë një notë proteste nga Ministria e Jashtme e Greqisë, me preteendimin se po shkel Marrëveshjen Prespës për emrin e shtetit.
Gjithccka ka ardhur pasi ministrja Punës dhe Politikës Sociale, Reshella Mizrahi, ka dalë në një konferencë për media duke patur pas një tabelë me emrin e vjetër “Republika e Maqedonisë”. E sicc dihet, Mizrahi vjen nga VMRO DPMNE, e cila nuk e pranon marrëveshjen për ndërrimin e emrit nga “Maqedoni” në “Maqedonia e Veriut”.
“Marrëveshja e Prespës duhet të zbatohet në tërësi. Ajo i hapi rrugën anëtarësimit të Maqedonisë së Veriut në NATO dhe kandidaturës së fuqishme të saj për çeljen e negociatave të anëtarësimit në Bashkimin Evropian”, ka deklaruar kreu idiplomacisë së Shkupit Nikolla Dimitrov, duke lexuar pjesë të notës së protestës.
Dimitrov ka kërkuar nga ministrja Mizrahi që të largojë tabelën e vjetër dhe të kthejë të të renë me emrin “Maqedonia e Veriut”. Në të kundërtën tha se do t’i kërkojë kryeministrit shkarkimin e saj.
“Me këtë akt, ajo jo vetëm që shkeli Kushtetutën, por gjithashtu shkeli edhe Ligjin për ratifikimin e Marrëveshjes së Prespës. Ajo po i nxit keqësimin e marrëdhënieve me Greqinë dhe po krijon probleme në realizimin e qëllimeve strategjike prej dy dekadash të vendit tonë, anëtarësimin në NATO dhe Bashkimin Evropian. Ministria e punës dhe politikës sociale nuk është apartamenti i saj privat, siç nuk është edhe Kushtetuta një copë letër e zakonshme. Asaj mund të mos i pëlqejë, por nuk i jep asaj të drejtën të mos e zbatojë atë “, ka deklaruar ministri Dimitrov.
Por, në një reagim të Ministrisë së Punës dhe Politikës Sociale hidhen poshtë pretendimet e shefit të diplomacisë.
“Është e drejtë demokratike e çdo qytetari të reagojë ndaj padrejtësive. Tabela me emrin e vjetër është e trashëguar dhe nuk ka asnjë tabelë me emër të ri”, tha Mizrahi.
VMRO DPMNE-ja disa herë ka bërë të ditur se në rast se fiton në zgjedhjet e parakohshme parlamentare që do të mbahen më 12 prill do të nis menjëherë procedurat për kthimin e emrit të vjetër të shtetit, që do të thotë se do të anullojë Marrëveshjen me Greqinë. /tesheshi.com/
