Ndërsa politika kosovare aktualisht është e fokusuar në krijimin e institucioneve të reja, ministrja në detyrë e Integrimeve Evropiane, Mimoza Ahmetaj, ka rikthyer në tavolinë debatin për Demarkacionin i harruar prej muajsh.
Ajo thotë se demarkimi i kufirit me Malin e Zi, duhet të bëhet sa më shpejtë
“Ne e kemi thënë në vazhdimësi se Kosova duhet ta ratifikojë demarkacionin në mënyrë që të përmbyllet kriteri i fundit për liberalizimin e vizave”, ka deklaruar ajo në një intervistë për “Ekonomia Online”.
Ministrja e PDK-së nuk jep afat se kur kosovarë mund të lëvizin lirshëm në zonën Schengen, por shprehet optimiste se nëse Kosova plotëson kriteret, BE-ja nuk do të vonohet me procedurat.
“Unë jam shumë optimiste nëse ne arrijmë që t’i përmbushim obligimet tona atëherë edhe mekanizmat e BE-së atëherë menjëherë do të vijnë në funksion që procedura e çështjes së liberalizimit të vizave të përfundohet edhe brenda institucioneve të BE-së”, ka thënë Ahmetaj. /tesheshi.com/
