Ka qenë e hapur thumbi i ministres së Integrimit, Klajda Gjosha, përfaqësuese e LSI-së, në lidhje me mungesën e takimit mes Sekretarit Amerikan të Shtetit, John Kerry, me kryetarin e Kuvendit Ilir Meta.
E pyetur nga gazetarët gjatë një vizitë në Shkodër, se pse nuk u zhvillua një takim mes tyre Gjosha nuk la vend për dyshime.
“Këto janë çështje që i zgjidh vetë ambasada amerikane, protokolli i shtetit, pra janë një sërë elementësh që kanë të bëjnë në lidhje të drejtpërdrejtë me axhendën përkatëse. Këtu nuk ka vend për qëndrim sepse përgjegjës për axhendën është ambasada amerikane dhe kjo gjë i takon ambasadës”, tha Gjosha.
Sekretari Kerry u takua me dy krerët e shtetit, përkatësisht Presidentin Nishani dhe Kryeministrin Rama. Ai nuk u takua me kryetarin e Kuvendit, Ilir Meta dhe ish-kryeministrin Berisha. Tre vjet më pare ish-sekretarja e Shtetit Hilarry Clinton, gjatë vizitës zyrtare në Shqipëri mbajti edhe një fjalë në Parlamentin shqiptar /tesheshi.com/
