Ministria e Brendshme gjermane: në çdo ditë të vitit 2016, 10 sulme ndaj emigrantëve

Gjatë vitit 2016, në Gjermani janë kryer 10 sulme në ditë ndaj emigrantëve. Shifra publikohet nga ministria e Brendshme gjermane, sipas së cilës, në total 560 persona janë plagosur nga kjo valë dhune, mes të cilëve është 43 fëmijë.

Tre të katërtat e sulmeve kanë pasur në shënjestër emigrantë jashtë banesave apo qendrave të tyre të strehimit, ndërsa gati 1 mijë sulme janë ndodhur brenda këtyre qendrave.

Vendimi i kancelares gjermane, Angela Merkel për të hapur Gjermaninë ndaj njerëzve që u largohen konflikteve dhe perskutimit, e ka polarizuar vendin dhe ka nxitur krimet e urrejtjes.

Gjermania përballet tashmë, me një listë të gjatë aplikimesh për azil dhe ka frikë për sigurinë pas një vale sulmesh terroriste në Europë.

Megjithatë, numri i azilkërkuesve që mbërritën në Gjermani në vitin 2016 ishte 280 mijë persona, me një rënie drastike krahasuar me 600 mijë vitin e shkuar, pas mbylljes së rrugës ballkanike dhe marrëveshjes se BE-së me Turqinë.

Çështja pritet të ndikojë gjerësisht edhe zgjedhjet parlamentare të këtij shtatori. /tesheshi.com/