Vizitën e tij në SHBA ministri Xhafaj e ka konsideruar si tejet të suksesshme, deri në pikën kur qëllon dhe opozitën, sipas tij për shpifjet dhe baltën që hedh mbi të dhe përgjithësisht qeverinë.
I përfolur për të vëllanë që opozita ia përmend çdo ditë, ministri Xhafaj ndihet i pastruar nga amerikanët prej kësaj akuze.
“Sot akoma më shumë, të motivuar për të ecur në rrugën e nisur. Shpifjet dhe balta që hidhet, tani nuk mundet ta ndalin projektin kundër krimit të organizuar dhe korrupsionit. Mbështetja e partnerëve në këtë projekt, është garanci edhe për suksesin e BKH e SPAK në të ardhmen e afërt”, shkruan kreu i Rendit në Twitter
Gjithashtu ai shprehet:
“Të inkurajuar nga vlerësimet tejet pozitive për çfarë jemi duke bërë, bashkëpunimin e ofruar dhe besimin e dhënë për të vazhduar së bashku në këtë rrugë. Mirënjohje miqve e partnerëve tanë amerikane për mbështetjen e veçantë!
Të motivuar për të ecur përpara, për të ndëshkuar me Forcën e Ligjit krimin e organizuar e korrupsionin, si dhe sekuestrimin e pasurive të tyre të paligjshme! Hap pas hapi për rezultate konkrete. Në zbatim të ligjit, në shërbim të qytetarëve!”, shkruan Xhafaj. /tesheshi.com/
