Ministri i Brendshëm, Saimir Tahiri, gjatë fjalës së mbajtur sot në analizën vjetore të Policisë së Shtetit tha se duhet gjetur balancë që polici për forcë të ketë ligjin dhe për model pune modelin qytetar që kërkon drejtësi.
Ai deklaroi se vendi ka nevojë për punonjës policie që t’iu shërbejnë qytetarëve dhe të luftojnë paligjshmërinë. Sipas tij janë mbi 50 mijë konflikte të zgjidhura nga Policia e Shtetit, të parandaluara.
Për ministrin, punonjësi i policisë që nuk di të kujdeset fizikisht për veten, nuk di të kujdeset as për të tjerët, ndërsa bëri me dije se testet periodike do të jenë gur prove për punonjësit e policisë.
“Nuk ka më policë, që po t’i shohësh në rrugë, nuk të ngjallin pikën e besimit. Kush nuk kap testin, që është i parashikuar edhe në rregullore, nuk ka punë me policinë”, deklaroi Tahiri. /tesheshi.com/
