Ministri i Jashtëm i Portugalisë, Augusto Santos Silva tha se Britania duhet të mbajë dyert e hapura për “punëtorë ndërtimi dhe kamarierë”, si dhe emigrantët e arsimuar, pas largimit nga Bashkimi Evropian. Deklarata e tij u bë gjatë një konference me Sajid Javid, Sekretarin e Brendshëm britanik, gjatë një vizite të këtij të fundit në Lisbonë.
“Unë kisha mundësinë t’i tregoja Sekretarit Javid se Portugalia nuk ka një qëndrim të fragmentuar ndaj lëvizjes së njerëzve”, tha Silva në përgjigje të një pyetjeje në lidhje me planet britanike për t’u dhënë prioritet emigrantëve evropianë me arsim të lartë pas Brexit, raporton Reuters.
“Unë mendoj se migrantët më të zgjuar nga BE janë punonjës ndërtimi dhe kamerierë”, tha Silva.
Mijëra portugezë jetojnë në Britani u shumë prej tyre punojnë si ndihmësmjekë, kamerierë dhe pastrues, ndërsa qytetarët britanikë që jetojnë në Portugali janë kryesisht pensionistë.
Njëherësh, Portugalia aktivisht po lobon te britanikët e pasur për të lëvizur e investuar përpara Brexit.
Javid po viziton Lisbonën për të paraqitur planin e njoftuar kohët e fundit të Londrës për të lënë BE-në dhe për të diskutuar mbi të drejtat e shtetasve evropianë në Britani dhe të atyre britanikë në BE.
Britania e Madhe dhe Portugalia kanë aleancën më të vjetër në botë, të nënshkruar në një traktat që daton në 1386. /tesheshi.com/
