Sigmar Gabriel ka dhënë një intervistë për të përditshmen Handelsblatt, ku ka kritikuar lëvizjen e bashkërenduar të një numri shtetesh arabe për t’i ndërprerë lidhjet diplomatike me Katarin.
Ministri i i Jashtëm i Gjermanisë e ka akuzuar presidentin amerikan në këtë intervistë për nxitje të konflikteve në Lindjen e Mesme, si dhe për rrezikun e një gare të re armatimi.
Ndërkohë që Arabia Saudite dhe vende të tjera aleate ndërprenë të hënën marrëdhëniet diplomatike me Katarin për mbështetjen e pretenduar të këtij vendi për terrorizmin, përplasja ka ardhur pak javë pasi Donald Trump do të vizitonte Riadin dhe do të kërkonte nga vendet muslimane luftë kundër ekstremizmit.
“Me sa duket, Katari do të izolohet pak a shumë plotësisht dhe do të goditet ekzistencialisht. Një trampizim i tillë i marrëdhënieve është veçanërisht i rrezikshëm në një rajon tashmë të ndjeshëm ndaj krizave,” thotë Gabriel në intervistën e tij.
“Kontratat e fundit gjigande ushtarake të presidentit amerikan Trump me monarkitë e Gjirit e shtojnë rrezikun e një spiraleje të re në shitjet e armëve.”
Kryediplomati gjerman shton në intervistë: “Kjo politikë është tërësisht e gabuar, e nuk është sigurisht politikë e Gjermanisë. Jam shumë i shqetësuar për përshkallëzimin dramatik dhe për pasojat për tërë rajonin.” /tesheshi.com/
