“Çdo musliman është i mirëpritur në Mekë dhe në Medinë… dhe kjo vlen dhe për pelegrinët iranianë,” deklaroi këtë të enjte ministri i Jashtëm saudit, Adil el-Xhubejri.
Në komentet e bëra gjatë një konference shtypi me homologun e tij gjerman, Frank-Walter Steinmeier, kryediplomati i Arabisë Saudite shtoi se vendimi i Mbretërisë për t’i ndërprerë marrëdhëniet diplomatike me Iranin nuk kishte të bënte aspak me pelegrinët që kërkojnë të përmbushin obligimet fetare.
“Ndërprerja e marrëdhënieve diplomatike me Iranin nuk ndikon në ardhjen e pelegrinëve iranianë në qytetet e shenjta të Mekës dhe Medinës. Ata do të trajtohen me respektin e duhur, e do t’u ofrohen të gjitha lehtësirat, si pelegrinëve të tjerë muslimanë që vijnë në këto vende të shenjta.”
El-Xhubejri hodhi dritë dhe mbi arsyet e konfliktit të fundit midis vendit të tij dhe Iranit: “Përplasja aktuale mes Mbretërisë dhe Iranit është shkaktuar nga politikat dhe praktikat armiqësore të Iranit ndaj Mbretërisë dhe vendeve fqinje në rajon.” /tesheshi.com/
