Ministri i Brendshëm i Kovosës, Bejtush Gashi, ka folur për herë të parë për Babalen, alias Albert Veliun.
Ai ka deklaruar se “dëshmitari X” i PD-së ka kërkuar strehim politik në Kosovë dhe atij po i kryhen të gjitha procedurat. Sipas Gashit, Kosova është e detyruar të zbatojë Konventën Ndërkombëtare për Azilin.
Babalja kërkoi strehim politik në Kosovë para disa ditësh pasi u kap nga policia në qytetin e Shtimjes.
Një audiopërgjim me të si personazh kryesor, e ku pretendohet se po bisedon me vëllanë e ministrit të Rendit, ka trazuar politikën shqiptare.
Mazhoranca e ka destruktuar tërësisht materialin, duke e trajtuar atë si një sajesë, e po ashtu dhe Babalen si personazh. Ndërsa PD ende përpëlitet ta mbajë gjallë si personazh, nga ku buron dhe pretendimi se njerëz të afërt gjaku me qeverinë, merren me afera droge. /tesheshi.com/
