Qeveria franceze dënoi parullat islamofobe në një strukturë muslimane në perëndim të vendit dhe tha se sulmi ndaj muslimanëve ishte një sulm ndaj Republikës.
Ministri i Brendshëm Gerald Darmanin tha se ishte një sulm ndaj lirisë themelore të besimit dhe se muslimanët meritojnë të njëjtën mbrojtje si çdo grup tjetër fetar në Francë, njoftoi Reuters.
Grafitet anti-islame u shfaqën në fasadën e një qendre kulturore muslimane në Rennes, në Francën perëndimore, përpara fillimit të muajit Ramazan, i cili është muaji më i rëndësishëm për muslimanët.
Ministri Darmanin vizitoi Rennes dhe dënoi mbishkrimet që fyenin muslimanët në Francë.
Rojet dhe adhuruesit e qendrës zbuluan mbishkrime fyese, përfshirë “Kryqëzatat do të vazhdojnë”, “Allahu është Zoti i gabuar” dhe “Katolicizmi është feja shtetërore”, raportoi AFP.
Presidenti i këshillit rajonal të muslimanëve, Mohammed Zaidouni, tha se besimtarët muslimanë ishin “fëmijë të Republikës (franceze) dhe përballen me urrejtje dhe barbarizëm”.
Franca ndjek një formë të rreptë të sekularizmit, e cila është krijuar për të ndarë fenë dhe jetën publike. /tesheshi.com/
