Ministri i Drejtësisë, Ylli Manjani, ka preferuar të mos flasë e të mos komentojë vendimin e gjykatës në lidhje me kthimin në detyrë të Drejtorit të Policisë Haki Çako.
Vetë Manjani është shprehur se nuk ka dijeni për presione të mundshme ndaj gjykatës lidhur me këtë vendim.
“Hetimet lidhur me çështjen e përgjimeve po ecin me intensitet të plotë. Nuk kam dijeni për presione politike, por si ministër i Drejtësisë nxis të denoncoj nëse ka presione politike. Askush nuk mund të fshihet pas alibive reciproke. Vendimi i gjykatës është vendim dhe nuk komentohet”, deklaroi ministri Manjani.
Drejtori i Policisë, Haki Çako, u pezullua nga detyra për shkak të skandalit të përgjimeve. /tesheshi.com/
