Ministri i Drejtësisë, Ylli Manjani njoftoi sot se ka vendosur të hartojë një projektligj të ri për veprën penale “Armëmbajtjen pa leje”.
Sipas tij, ky vendim është marrë pas konstatimeve që ka bërë, duke thënë se ligji i mëparshëm kishte gabime. Një vendim të tille e ka dhënë edhe Gjykata Kushtetuese.
Shqetësimi në fjalë u ngrit disa ditë më parë nga kryeprokurori Adriatik Llalla i cili kërkoi nga qeveria të ndërhyjnë me një iniciativë ligjore për të shmangur konfuzionet e krijuara për masën e dënimit për këtë vepër penale. /tesheshi.com/
