Kryeministri Rama foli sërish për “Shengenin ballkanik”, ku i intervistuar nga Top Channel, ai u përbetuar që të heqë kufirin mes Kosovës dhe Shqipërisë.
“Unë në do heq kufirin e Shqipërisë me Kosovën dhe do i jap mundësi shqiptarëve nga dy anët e kufirit që kur të kalojnë Morinën t’ju duket sikur shkojnë nga Prishtina në Gjakovë apo nga Lezha në Durrës, të mos shikojnë aty asgjë dhe mos të rrinë të presin me kilometra e kilometra të tëra. Kjo është shumë e thjeshtë. Nëse do të merremi me përmbajtjen, gjithë përmbajtja e kësaj nisme bazohet jo vetëm në dakordësi, por dhe në interesin e njerëzve të zakonshëm të të gjitha vendeve”, tha Rama.
Ai ka bërë një rezyme të shkurtër të “Shengenit” rajonal, duke thënë se ide daton që në kohën ë Nanos, pikërisht me këtë të fundit si promovues të tij.
“…një term që për herë të parë e ka përdorur Fatos Nano, kuptohet në një kohë kur u mor si një çmenduri dhe kur mund të konsiderohej jashtë komplet kontekstit të kohës. Kur unë kam folur për Shengenin Ballkanik në fillim kam ngritur gjithë valët e shqetësimeve dhe gjithë zërat kundër, nga Beogradi deri në Bruksel dhe deri në Uashington dhe ato që janë dëgjuar në publik janë shumë më pak se ato që kam dëgjuar unë drejtpërdrejt nga Bruskeli dhe Ëashingtoni, edhe nga partnerët e tjerë sepse shikohej si një provokim për të hapur kufirin me Kosovën”, theksoi shefi i qeverisë, si përgjigje ndaj kritikëve, duke sqaruar pra se nuk është ai, por dikush para tij, që e ka trajtuar këtë ide. /tesheshi.com/
