Mina armene “prish qetësinë” në Nago Karabak: e pësojë dy gazetarë

Dy gazetarë azerbajxhanas dhe një zyrtar u vranë të premten në një shpërthim minash në perëndim të Nago-Karabakut, në rajonin Kalbajar, thanë zyrtarët, duke shtuar se dhe katër persona u plagosën.

Kamioni në të cilin ndodheshin hasi në një minë anti-tank në 11:00 të mëngjesit me kohën lokale, njoftoi Ministria e Brendshme e Azerbajxhanit, ashtu si edhe zyra e prokurorit të shtetit.

Viktimat u identifikuan si zyrtari lokal Arif Aliyev dhe gazetarët Maharam Ibrahimov i agjencisë shtetërore AzerTag dhe Siraj Abishov i AzTV shtetërore.

Shpërthimi vjen pas një luftë gjashtë-javore mbi rajonin e Nago-Karabakut vitin e kaluar.

Ministri i Jashtëm i Azerbajxhanit Yehun Bajramov tha se ai ishte “thellësisht i pikëlluar” nga incidenti dhe i bëri thirrje Armenisë të dorëzojë hartat e fushave të minuara në zonë. Azerbajxhani shpesh akuzon Armeninë për refuzimin e dorëzimit të hartave të tilla.

“Çdo ditë që ata e refuzojnë këtë kërkesë, ata rrezikojnë më shumë jetë,” postoi Bajramov në Tëitter.

Kalbajar është një nga rajonet që u kthye në Azerbajxhan pas konfliktit të vitit të kaluar.

Elchin Shikli, udhëheqësi i Unionit të Gazetarëve të Azerbajxhanit, akuzon shtetin armen për shkeljen e “ligjit ndërkombëtar”.

“Minat janë mbjellë së fundmi në zonën e Kalbajar. Kjo do të thotë që Armenia është bashkëpunëtore në terrorizëm dhe sabotim në nivelin shtetëror. Komuniteti ndërkombëtar duhet t’i përgjigjet urgjentisht këtij problemi,” tha ai. /tesheshi.com/