Aleati i PS-së në pushtet Paskal Milo, është shprehur kritik ndaj reformave të qeverisë, ku ka vënë theksin tek reklama më shume se tek thelbi. Sipas tij, reformat duhet të krijojnë optimizëm tek njerëzit e jo frikë, duhen arumentuar e jo të bëhen me presion, duhet ndërtuar e jo vetëm prishur, vërejti Milo. Në fjalën e tij ai sulmoi ashpër dhe opozitën, duke thënë se parlamenti është shëmbëlltyra më e qartë e nivelit të ulët të të bërit opozitë. Sakaq, një pjesë e fjalimit të Milos iu kushtua raporteve të partisë së tij me qeverisjen, ku theksoi se partia e tij nuk përfaqsohet në nivele të larta drejtuese, sipas marrëveshjes së nënshkruar para zgjedhjeve. Ai i kujtoi si me spond aleatit të madh se zgjedhjet lokale po afrojnë, me aludimin se duhet të reflektojë për premtimet parazgjedhore lidhur me emërimet në administrate apo nivele qeverisëse.
Vetë Milo drejton një Komision Shtetëror për rishkrimin e Historisë. Për parti si e Milos thuhet se ekzistojnë sa për të punësuar kryetarin, por në një rast si ky, vetë kryetari po tenton të punësojë dhe të tjerë pas tij. Deklaratat e Milos u bënë në një mbledhje të Komitetit Drejtues të PSD-së.
