Biznesmeni rus Vasiliy Anisimov, 72 vjecc, posedues i një pasaporte kroate, u bë miliarderi i shtatë që hoqi dorë nga shtetësia ruse pas pushtimit të Ukrainës, raportoi revista Forbes Rusia.
Anisimov, pasuritë e të cilit vlerësohen në 1.6 miliardë dollarë, hoqi dorë nga shtetësia ruse në shtator 2022. Ai është gjithashtu shtetas i Kroacisë dhe Dominikës.
I lindur në Kazakistan gjatë BRSS, ai dyshohet se hoqi qafe të gjithë pronën e tij në Rusi. Kremlini ka minimizuar më parë rëndësinë e heqjes dorë nga shtetësia e manjatëve rusë, duke thënë se ata “kanë të drejtën” ta bëjnë këtë.
Anisimov është, ndër të tjera, pronar ose ishte pronar i Holding-ut të pasurive të paluajtshme Coalco International. Ai ishte gjithashtu president i Federatës Ruse të Xhudos. Forbes i referohet një dokumenti që ka marrë prej tij, i cili tregon se ai hoqi dorë nga shtetësia ruse në shtator 2022.
Anisimov ndryshoi shtetësinë e tij nga ruse në kroate në mesin e vitit 2022, raportoi më parë revista Newsweek.
Këtë në fakt biznesmeni e ka deklaruar në regjistrimin e tij në agjencinë britanike të biznesit Companies House.
Pushtimi rus i Ukrainës filloi katër muaj më parë, në shkurt 2022.
Në vitet 1990, Anisimov mori nënshtetësinë e Dominikës, një komb ishull në Detin Karaibe, për një tarifë prej gati 60,000 dollarë. Në tetor 2003, ai mori pasaportën e tij të parë kroate dhe në Kroaci ai investoi 11 milionë dollarë në pasuri të paluajtshme, sipas Forbes.
Falë shtetësisë kroate, lirisht mund të lëvizet dhe të jetojë në territorin e Bashkimit Evropian. /tesheshi.com/
