Ndërsa në Shtetet e Bashkua të Amerikës dhe vende të tjera të ardhurat e punëtorëve janë ulur ndjeshëm, pasuria e miliarderëve të planetit, nga ana tjetër, është dyfishuar që nga viti 2009. Kjo sipas një raporti të publikuar së fundi nga UBS dhe Wealth-X.
Shumatorja e pasurive të miliarderëve të botës kap shifrën e 6.5 trilionë dollarëve, një numur që është thuajse po aq i madh sa edhe prodhimi kombëtar bruto i Kinës, që është edhe ekonomia e dytë në botë. Ndërkohë, që nga viti 2013 numri i miliarderëve ka shkuar në 2 170 në vitn 2013. Në vitin 2009 ka qenë 1360.
Pasurimi i jashtëzakonshëm i kësaj shtrese vjen si pasojë e shtimit të veprimtarisë së tregjeve të aksioneve e “ushqyer” kjo nga teoritë e “parave të lehta” dhe operacionet e prodhimit të parave të Rezervës Federale dhe bankave të tjera qëndrore. Ky process sa vjen e po intensifikohet.
Raporti i pasurisë reflekton rritjen parazitare të sektorit financiar në ekonominë botërore. 17% e miliarderëve e kanë fituar pasurinë nga bota e financave bankare dhe sektorët e investimeve, ndërkohë që vetëm 8% i përkasin pasurimit në sektorin e manifakturave. Ndërkohë në raport jepen edhe shumat e mëdha që shpenzojnë super të pasurit për produkte luksi.
Kështu, miliarderët e botës kanë shpenzuar deri më tani 129 miliardë vetëm për jahte, avionë privatë, antika, modë, bizhu dhe makina kryesisht të vjetra dhe të shtrenjta. Dhe të mendosh se kjo shifër është më e madhe se prodhmi kombëtar bruto i Bangladeshit, një vend me 150 milionë banorë. 2 170 miliarderët e botës kanë shpenzuar 48 miliardë dollarë në jahte pra mesatarisht i bie 22 milionë çdo miliarder.
Për të bërë një krahasim të thjeshtë për këtë pasuri dhe luks, mjafton të thuash se Kombet e Bashkuara kanë vlerësuar se varfëria në botë do të merrte fund në rast se për këtë qëllim do të investoheshin 30 miliardë dollarë në vit në vendet më problematike. Po sipas raportit, pasuritë e paluajtshme të miliarderëve kapin shifrën e 169 miliardë dollarëve, ose 78 milionë për miliarder.
Çdo miliarder ka në pronësinë e tij minimalisht katër shtëpi më e pakta e të cilave vlerësohet të jetë 20 milionë dollarë. “Koha dhe hapësira janë ë papërfillshme për miliarderët e planetit, sepse ata kanë teknologji dhe mjete që bëjnë të mundur gjithçka, për mjete transporti super të shtrenjta” – thuhet në material.
Kjo shtresë kaq e pasur ekziston në kurriz të shoqërisë, pa prodhuar asnjë vlerë dhe duke monopolizuar sasi të mëdha të rezervave globale të të gjitha llojeve. Në favor të pasurimit të tyre janë vënë pjesa më e madhe e burimeve shoqërore. Ndërkohë dominimi i tyre në jetën politike dhe ekonomike të vendeve përkatëse, bllokon çdo gjetje racionale që kërkohet për të zgjidhur problemet e mëdha dhe jetike të njerëzimit. Super të pasurit kontrollojnë të gjitha aspektet e jetës politike në të cilën jetojmë dhe pasojat janë shkatërrimtare. /tesheshi.com/
