Publicisti i njohur kosovar, Milazim Krasniqi, me anë të një statusi në FB, hem ka informuar e hem ka apeluar ndaj ndëgjegjes kosovare karshi pranisë serbe në Kosovë, jo me armë tashmë, me dhunë e pushtim institucionesh, por me mallra; pra me diktat ekonomik.
Krasinqi ka sjellë shembullin kroat, duke veçuar një akt të pazakontë të presidentes së atjeshme, se si ky popull i ka treguar vendin Serbisë.
Dhe kjo është plotësisht e vërtetë. Shqiptarët, si në Kosovë e në hapësirat e tjera, mjaft t’i ngjajnë Kroacisë në disa drejtime, aq më tepër që ky vend është treguar dashamirës me shqiptarët dhe nuk ka vend për t’u kompleksuar.
Statusi i Milazim Krasniqit:
Presidentja e Kroacisë, Kollinda Grabar Kitaroviq, ka kërkuar falje për një gjë të cilën ne shqiptarët e Kosovës vërtet nuk arrijmë ta kuptojmë hiq. Ajo ka kërkuar falje, meqë në pakot që u ka dhuruar fëmijëve në një çerdhe në Dubrovnik, ka pasur çokollada të prodhuara në Serbi. Merreni me mend, si sillen kroatët ndaj Serbisë dhe mallrave nga Serbia! Ata e kanë mundur Serbinë edhe në luftë (me operacionet spektakulare ushtarake Blesak dhe Olluja) por vazhdojnë ta luftojnë edhe në paqe çfarëdo lloj ndikimi serb. Ne s’kemi si ta kuptojmë këtë gjë, pasi jo vetëm në çerdhe të fëmijëve, po në të gjitha marketet dhe shitoret, produktet nga Serbia dominojnë. Po ta kishim sjelljen si të kroatëve, është e sigurt se do të kishim tjera mallra në dispozicion. As muri pranë Urës së Ibrit nuk do të ngrihej. /tesheshi.com/
Top of Form
Bottom of Form
