Deputeti i NISMA-s, Milaim Zeka, përmes një postimi në Facebook, thotë se të gjithë deputet e parlamentit të Kosovës janë në bisedime për të gjetur një zgjidhje të situatës politike.
Zeka shkruan se ai së bashku me deputetët e NISMA, po takohen çdo ditë dhe po bisedojnë për çdo opsion të mundshëm. Ai shpreh bindjen se në seancën e ardhshme do të kalohet pengesa e parë dhe do të kalohet në formimin e qeverisë
Postimi i Milaim Zekës:
“Të gjithë po punojmë për zhbllokimin e institucioneve
Shumica e deputeteve jemi në bisedime për të gjetur një mënyrë se si të dalim nga kjo situatë.
Unë, sëbashku me kolegë të tjerë të NISM-ës, po takohemi, edhe po bisedojmë për çdo opsion të mundshëm.
Personalisht, jam takuar me shumicën e deputetëve, edhe jam shumë i bindur se në seancën e radhës do të vazhdojmë përpara. Arsyeja që po shkruaj kohë pas kohe, është thjesht informimi i votuesve, edhe i njerëzve që kanë arsye politike dhe njerëzore.
Do bëja apel tek kolegët e mi gazetarë, që të shkojne përtej lajmeve spekulative të disa spekulantëve politikë, të cileët fare nuk skuqen kur thonë gjëra tërësisht të paverteta, vetëm për klikime.
Mediat e kanë për obligim që të njoftojnë publikun në mënyre korrekte, si dhe të flasin për bllokuesit e vërtetë, si dhe të informojnë se kur eventualisht pritet formimi i institucioneve?!!!
Për aq sa unë kam informacion, seanca e radhës do të jetë një ngjarje e gëzueshme për qytetarët e Kosovës. Do ta kalojmë pengesën e parë, që të kalojmë te formimi i qeverisë!” /tesheshi.com/
