Një grup aktivistësh kosovarë kanë zgjedhur një mirëserdhje të veçantë e me plot mesazh thumbues për Komisionerin Johannes Hahn, në kuadër të vizitës së tij në Prishtinë. Ata i kanë kujtuar diplomatit të Brukselit se çdo të ndodhte nëse dhe atij i kërkohej vizë për të hyrë në Kosovë, ashtu siç iu kërkohet kosovarëve për të hyrë në Europë, ndërkohë që vendet e rajonit janë krejt pa viza.
“Mirëserdhe në Kosovë z.Hahn! Ne jemi për reciprocitet, kështu që ju duhet viza që të hyni në Kosovë. Për një vizë, ju duhen 45 dokumente të ndryshme dhe 35 euro (tarifa e vizës)”, shkruhet në pankartën e mirëseardhjes.
Çështja e mosliberalizimit të vizave mbetet një ndër më të mprehtat në raportes me Kosovës dhe BE-së. Dukej sikur demarkacioni me Malin e Zi do i jepte zgjidhje ngërçit duke i hequr vizat, por më pas pasuan të tjera kushtëzime, jo të natyrës konkrete – siç ishte pra miratimi i vijës kufitare me Malin e Zi – por të natyrës së përgjithshme, siç ishte luftimi i korrupsionit. /tesheshi.com/
