Mihal Kokëdhimës, njeriut ende “lajm dite” në median shqiptare, po i rrafshohet dhe restoranti i tij “Panorama” në Porto Palermo.
Ruspat e IKMT-së ndërrmorën aksionin për prishjen e tij si “ndërtim pa leje”, pa e fshehur se shkak qe bërë pikërisht proçka e të zotit, Mihal Kokëdhimës, i cili u konfliktuua me disa turistë spanjollë.
“Inspektorati Kombëtar i Mbrojtjes së Territorit ka vendosur të prishë bar-restorantin ‘Panorma’ në Porto-Palermo, i ekspozuar publikisht pas një skandali të pronarit me disa turistë spanjollë dhe dy shoqëruesit e tyre shqiptarë.
Objekti rreth 2 mijë metër katror, i ndërtuar në një nga zonat më të bukura bregdetare të Shqipërisë, rezulton pa leje, ndërkohë që shfrytëzonte kundrejt pagesës edhe pjesën e plazhit.
Në këtë operacion, IKMT nuk ka hasur në kundërshtime të qytetarëve. Çdo veprim i saj ka qenë i koordinuar ngushtësisht me policinë e shtetit. Menjëherë pas përfundimit të këtij operacioni, IKMT do të vijojë punën në gjithë vijën bregdetare te vendit”, thuhet në një deklaratë zyrtare, ku siç mund të kuptohet, Mihali Kokëdhima do jetë shkak që dhe ndërtime të tjera ta pësojnë në mënyrë të ngjashme. /tesheshi.com/
