Emergjenca e migrantëve sa vjen dhe rëndohet, ndaj sot, kancelarja gjermane Angela Merkel është nisur për në Ankara ku do të diskutojë me Kryeministrin turk Ahmet Davutoglu gjatë paradites, ndërsa në pasdite do të takohet me Presidentin Recep Tayyip Erdogan.
Në vëmendje të bisedave d të jetë aktualizimi i marrëveshjes së fund nëntorit mes Brukselit dhe Ankarasë për reduktimin e fluksit të migrantëve që i drejtohen Europës, pikërisht gjatë ditëve kur Turqia është duke u përballur me një emergjencë të re me rreth 35 mijë sirianë të larguar nga regjimi i Bashar al Assad në provincën e Aleppo.
Ankaraja ka shpjeguar se ka mbërritur në limitin maksimal të pritjes së emigrantëve të arratisur, ku mbi 2.5 milion janë vetëm sirianë, por ka shtuar edhe se nuk do t’i braktisë në fatin e tyre, duke mbajtur “politikën e dyerve të hapura” në rast nevoje.
Gjatë vizitës së Merkel janë parashikuar edhe takime mbi strategjitë kundër terrorizmit. Më 12 janarin e shkuar, 11 turistë gjermanë kanë ngelur të vrarë pas sulmit kamikaz në Stamboll. /tesheshi.com/
