Smogu i ‘JugoKromit’, shpërthen Tetova: Largohu ministër!

Qindra sms-së të dërguara nga qytetarët, kanë detyruar Ministrin e Ambientit në qeverinë e Shkupit, Nurhan Izairi, që ta mbyll telefonin e tij celular. Ato vijnë nga Tetova, qytet që po jeton nën një smog mbytës. Thuhet se më e shumta e atyre çfarë shkruhet të mesazhe, është:  “Dorëhiqu Ministër”, një formë kjo për të shprehur revoltën lidhur me  ajrin e ndotur në Tetovë, që ka shkuar në nivele alarmante, për çka fajësohet gjigandi i prodhim të Kromit, i cili refuzon të vendosë filtra ekologjikë.

Aktiviteti është organizuar nga Lëvizja Qytetare “EcoGuerilla” , që thotë s$e do të vazhdojë edhe me forma tjera presioni.

“Eco Guerilla nuk kërkon mbylljen e Jugohromit. Ne kemi kërkuar dhe vazhdojmë  të kërkojmë nga ministria e ambientit dhe qeveria të detyrojnë këta ndotës të vendosin filtrat ekologjikë”,  thotë Arianit  Xhaferi nga kjo lëvizje.

Nga ana tjetër, ministr Nurhan Izairi thotë se për të, është e papranueshme kjo formë e presionit, i cili shkon në bazë personale.

“Largimi im , nuk do e zgjidh problemin”, thotë ai.

“Edhe unë s’jam i kënaqur me respektimin e afateve ligjore për vendosje të filtrave, por sidoqoftë, të gjitha do të sqarohen në konferencë për media të cilën do ta thërrasë të Premten”, tha Izairi në një bisedë telefonike./tesheshi.com/