Gjykata e Mianmarit lëshoi një urdhër për arrestimin e Wirathu, një prift budist, predikimet e të cilit përçojnë urrejtje ndaj popullsisë Rohinga dhe pakicave të tjera myslimane, duke çuar në intolerancë fetare dhe tension.
Prifti, që për më tepër e quan veten dhe një “Bin Laden burmes”, ballafaqohet me mundësinë dhe të një dënim “për jetë”, sepse ligji i shtetit ndalon nxitjen e “urrejtjes”, “përbuzjes”, ose “pakënaqësisë” me qeverinë.
Policia deri tani nuk pranoi të thoshte se për çfarë konkretisht akuzohet Wirath, por kohët e fundit ai ka provokuar zemërimin e zyrtarëve të lartë për një seri fjalimesh në të cilat ai sulmoi dhe udhëheqësen e Mianmarit, Aung San Suu Kyi.
Ndërkohë, gjatë një fjalimi të fundit, ai e përshkroi muslimanët si “qen të çmendur” dhe kërcënoi se do të përdor dhunën për të kundërshtuar përpjekjet ndërkombëtare që synojnë të çojnë para drejtësisë gjeneralët që drejtuan masakrën ndaj mijëra rohingave në vitin 2017, për atë që hetuesit e OKB-së thanë se përbën një gjenocid.
Në vitin 2003, Wirath u burgos gati dhjetë vjet për shkak të inkurajimit të protestave vdekjeprurëse kundër muslimanëve. Vitin e kaluar, Facebook e ndaloi atë nga qasja me komente mbi minoritetet. /tesheshi.com/
