Presidenca zbuloi “pa dashje” planin për të shtënë në dorë KED-in, Këshillin e Emërimeve në Drejtësi, e kjo pas një përfoljeje mediatike se kjo instancë e lartë, e drejtuar nga Ardian Dvorani, “armiku i betuari” Metës, mund të bllokohej nëse Dvorani do procedohej penalisht pas padive për të nga ana e kreut të shtetit.
Ishte zëdhënësi i Presidencës Tedi Blushi ai që në një prononcim dha të kuptuar se pikërisht kjo pritej nga Meta, për të mundësuar më pas që vendin e Dvoranit ta zërë Vitore Tusha, “besnikja” e presidentit në Gjykatën Kushtetuese.
“Ligji nr. 115/2016, për funksionimin e Këshillit të Emërimeve në Drejtësi e ka zgjidhur shumë mirë këtë situatë në nenin 227 të tij, ku parashikon se “Anëtari më i vjetër në moshë nga Gjykata Kushtetuese është Zëvendëskryetari i KED-së. Zëvendëskryetari ushtron të gjitha funksionet e Kryetarit në mungesë ose pamundësi të këtij të fundit”.
Nuk është përgjegjësia penale e Ardian Dvoranit, që mund të bllokojë funksionimin normal të KED, por u bllokua qëllimisht funksionimi i KED për dy vite radhazi, që në krye të këtij organi të vihej Ardian Dvorani, për të konsumuar të tilla shkelje të rënda kushtetuese dhe ligjore”, u shpreh Blushi.
Por kush është Vitore Tusha? Eshtë e përzgjedhura e Metës për të
drejtuar Kontrollin e Lartë të Shtetit, por që mazhoranca nuke votoi, si dhe ajo që në ka firmosur një dokument të diskutueshëm ku njeh Marsida Xharefllarin dhe jo Arta Vorpsin si anëtare të re të Kushtetueses. /tesheshi.com/
