Presidenti Meta doli kundër asaj që në listat për deputetë duhet të ketë biznesmenë.
“Të fusim sa më shumë pedagoge dhe pedagogë, sa më shumë figura të pastra dhe ju lutem shumë sa më pak biznesmenë në Kuvendin e ardhshëm. Jo se kam ndonjë gjë me biznesmenët por është e rëndësishme që të kemi njerëz me integritet që interesin publik e kanë të parin”, arsyëetoi kreu i shtetut gjatë një vizite në Korçë me rastin e 7 marsit, ku dhe dekoroi emra arsimtarësh lokale, në rit prej kohësh i tij, që mazhoranca e përkthen politikisht si një abuzim institucional për të çuar vota në LSI-në e tij.
Duke diktuar receta morale për zgjedhjet e 25 prillit, kreu i shtetit u dha atyre sërish një nuancë lufte në fund.
[one_third][/one_third]“E gjithë shoqëria të përfaqësohet ashtu siç e meriton në Kuvendin e ardhshëm të Shqipërisë. Është moment kyç për të ardhmen e Shqipërisë pasi zgjedhjet e lira dhe të ndershme janë kryekusht për integrimin. Është një test madhor që jam i sigurt që do ta kalojmë me hir apo me pahir”, tha Meta. /tesheshi.com/
