Postimi i radhës i presidentit Meta ka qenë “sajimi” prej tij i 13 Tetorit si kusht për hapjen e negociatave. 13 Tetori, ai që pritet të vijë, siç dihet është dekretimi nga ai i zgjedhjeve lokale, pas anullimit të paprecedent të 30 qershorit, e më ideja që në këtë datë të zhvillohen dhe zgjedhjet e parakohshme parlamentare e ato presidenciale, me votim direkt nga populli pra.
Sipas Metës, 19 Tetori, data kur priten të vendoset për negociatat, lidhet pikërisht me 13 Tetorin e tij.
“KOHA QË TË MOS MBETEMI EDHE NË VJESHTË!
Të dashur qytetarë,
30 qershori iku si një datë e përbashkët vetëm kalendarike. Përpara kemi një datë tepër të rëndësishme, për ne dhe të ardhmen e vendit tonë, 17-18 tetor 2019, kur Këshilli i Bashkimit Europian do të marrë një vendim për çeljen ose jo të negociatave me Shqipërinë.
Ndaj nuk mund të vazhdohet më të ecet në dy rrugë të kundërta, që nuk takohen me njëra-tjetrën: në një anë atë të kapjes së çdo institucioni, çdo zyre dhe çdo vendi pune, dhe atë të delegjitimimit të çdo institucioni nga ana tjetër.
Të dy palët duhet t’u krijojnë mundësinë të gjithë qytetarëve shqiptarë, që në mënyrë të qetë, civile dhe demokratike të shprehin sovranitetin e tyre për të gjitha institucionet, vendore dhe qendrore, përfshi dhe Presidentin nga populli, në 13 tetor.
KOHA ËSHTË TANI!
Në 19 tetor do të jetë shumë vonë!”, shkruan Meta.
Siç mund të vihet re, ai i drejtohet opinionit, atij që nuk ka asgjë në dorë, e jo aktorit kryesor politik, mazhorancës, apo dhe faktorit ndërkombëtar, i cili e ka shpërfillur deri më tëni 13 Tetorin presidencial dhe ka njohur 30 Qershorin si datë zgjedhjesh lokale.
Nga ana tjetër, ndërkombëtarët nuk kanë vendosur asnjë kusht të ri për hapjen e negociatave, pasi e konsiderojnë vendimarrjen si çështje të papajtueshmërive brenda Unionit. /tesheshi.com/
